Unsed 2. Bürgervogelscheeten funn an 05. September trotz Schietwedder gooden Anklang int Dörp. Moorns hal dat noch düchti regnt, no de Meddach hett denn de stieve Wind de Wolken teemlich vun Himmel wechpußt. So kunn dat Vogelscheeten teemlich in´t Drööge över de Bühne gohn. Dat Scheeten fung mit de Siegers ut Vörjohr Margrit Voß un Rüdiger Schuck an.So no un no melln sick ümmer mehr Lüüd ton Scheeten an, an looten Nomeddag weern dat noher 39 Fruunslüd un 42 Mannslüd, de mitmokt hebbt. De niede Königin woor Anja Hahn mit 20 Punkte, denn keem  Anke Jürgens (16 Punkte) un Angela Lütjens (15 Punkte), de sick int Steeken um den 3. Platz mit Meike Stellmoker afschoten hett. Bi de Mannslüüd stunn Daniel Kirsteen mit 25 Punkte ganz vöörn, um de nächsden Plätze geev dat een Steeken vun de mit je 20 Punkte liekop lingenden Gerhard Henningsen, Nils Klinck und Hans Ruge. Dorbi hett Gerhard sick mit een gauen Droper glieks den 2. Platz seekert, un no eenige Fehlschüsse vun Hans un Nils hett denn mit den nächsten Dropper Nils den 3. Platz kreegen.
An Obend geev dat denn de Siegerehrung in Festtelt. De Orga-Trupp hett Königin un König mit de nieden Schärpen utstaffeert un de Königsplaketten övergeven. Dorno speelen de DJs Hans-Jürgen un Robin ton Danz op, den dat Königspoor mit een Ehrendanz anfungen hett. Dat duuers keene 10 Minuten, denn beevt dat ganze Telt vun de Super-Stimmung, de trotz strömenden Regen bet loot in de Nacht anholen hett.
Op de Plaketten ward nu noch de Nomens vun de nieden Könige ropschreeven, un wat den kümmt, bröch Ralf Kühl bi de Siegerehrung kort opn Punkt: “Dat Orga-Team kummt un stellt de Plaketten bi ju op, un wenn dat Johr um is, kommt wi, un buddelt eer ok weller ut.” Is je wohl klor, dat sowat denn ook mit een lüddet Fest verbunnen is.

001BVS2017

An unsen Scheetstand hebbt wi mit een “Hochpavillion” opstellt, um de Schützen ni in Regen stoon to loten. In de Mitt vunt Bild süht man dat Ziel, op dat de 5 unnerscheedlich groten Zielplatten sünd. Wer dat grote Lock inne Mitt dreep, kreeg 1 Punkt, bi de lüdderen Löcker in de Ecken geev dat um so mehr, je lütter de Platte weer.

002BVS2015
003BVS2015

Petrus hett uns an Nomeddag so wiet unnerstützt, wat dat dröög bleev, so keemen denn doch een ganze Reech Lüüd ton Tokieken oder mitmoken. g

005BVS2015013
006BVS2015

För de Kinner geev dat weller eene Speelemeile, de vun Margrit, Dieter, Bärbel un Conny betreut wor. Ganz veelen Dank an de veer för den Insatz.

007BVS2015
008BVS2015

Ganz veelen Dank ok an de Landfruuen, de an Nomeddag mit Kaffee un Kooken eene prima Versorgung för unse Gäste op de Been stellt hebbt.  

009BVS2015
010BVS2015
011BVS2015

Gegen Obend hett dat Grill-Team de Versorgung övernohm:

012BVS2015

Unse DJs hebbt ordnlich Stimmung mookt, dat wiest de nächsten Biller:

013BVS2015
014BVS2015
015BVS2015
016BVS2015
017BVS2015

Grooten Andrang geev dat an de Rutsche, wo man een frischen “Korten” gewinnen kunn, wenn man een leeren Buddel in dat Lock ant End versenkt hett. De Rutsche hett uns an nächsten Dach een Barg Müllsammeln ersport.

018BVS2016

Unsen Festplatz see an annern Morgen gor nich so schlecht ut ...

 

zur hoch- deutschen Version

8-1

De nieden Majestäten bin Ehrendanz (veelen Dank an Angela Ehlers / Sönke un Anja Hohn  för dat Bild):

Bet to dat Opstellen vun de Königsschiller bi Anja un Daniel hett dat düsset Johr een beten länger duert, wat wi de Nomens ni so gau in de Schiller rinritzt kreegen hebbt. Ende Mai 2016 weer dat endli so wiet, een poor Biller dorvun sünd hier nu noch.

Schilder002
Schilder001a
Schilder003
Schilder004
Schilder005