Unsed Vogelscheeten weer an eersten Sümmobend in Juni bi plumhoge Sommerluft. Nodem dat Fest nu 10 Johr lang vun Jutta Möller un Rolf Riecken op de Been stellt worrn is, wulln de beiden de Verantwortung för dat Vogelscheeten in de nächsten Johrn mol in jüngere Hann leggen. Ton Anfang un ton Enn vun dat Fest geev dat för de beiden een poor Överraschungen as Dankescheun för de veele Arbeid. Dat hebbt se sick mit ehren  eenzigordigen Stil, dat Fest jedet Johr ohne veel Tamtam ganz unspektakulär över de Bühne gohn to loten, ook würklich verdeent.
Ganz leeven Dank an Inke Odler för ganz veele klasse Biller, de se mit eern Knipskassen fastholen hett.

De Vörbereidungen fung al an Friedachnummeddach an.Dor hebbt de Padfinners dorbi holpen, Eekengrön för den Kranz to sammeln. Achteran wor de Schoolhoff för den nächsden Dach torechmokt. To´n Glück find sick jümmers een Barg Öllern, de hier mit Hand anleggt, denn is de Arbeid man een Schnuufkatt.                                                            => zur hochdeutschen Version

För de Hölpers giff dat as Dankescheun een beten Wuss un wat to Drinken, dat ward meistens een ganz netten Obend ... 

An Sünnobendmorgen geiht dat denn richtich los. Dor sünd nu so veele Biller, wat hier ni veel Text nödich deiht.

Bi Schwieger töven de Königspoore vun´t letzte Johr, wat de Umtoch ehr för de Ehrenrunde dör´t Dörp afholen schull. 

Jutta un Rolf dörsten mit ehren Lorbeerkranz as Opsich op den Anhänger mitfohrn.

För Eten un Drinken weern Uwe un sien Team tostännich.

In de Turnhaal weern de Priese för alle Öllersklassen utstellt. Dank de hoge Spendenbereitschaft in´t ganze Dörp geev dat een super Utwohl, dor weer för jeden wat dorbi. An End vun de Speele dörfst de König/in in jede Gruppe toerst wat utsöken, un denn gung dat de Reech no wieder. Bi dat Utsöken dörfsten Mudder un Voder ni dorbi ween, dat schulln de Kinner alleen trechkriegen. 

Dat Ringsteeken för de Kinner ut de Vörschool un de erste Klass fun no den Umbu vun Schoolhoff dat eersde Mol in den nieden Pavillon statt. Dat Karussell pass dor gut rin un so kunn dat Speel schön in Schatten statt in de pralle Sünn mokt warn.

De tweete un drütte Klass hebt op de Kegelbohn un mit Pfeilschmieten dat Königspoor utspeelt.

De Deerns ut de veerte bit süsste Klasse weern an de Wellenbohn un mit Dosenschmieten togang

un de Jungs kunn an de Torwand eere EM-Tauglichkeit ünner Bewies stellen. 

De Deerns ut de söbente bit negente Klass hebbt bit Fischsteeken Punkte sammelt

un de Jungs ut de söbente bit negente Klass hebbt no den Odler schoten, de ok düsset Johr vun Jürgen Heuer mokt worrn is.

Hier gifft dat glieks den Königsschuss.

Eher de Königspoore bekannt mokt worn, geev dat noch een lütten Rückblick op 10 Johr Vogelscheeten mit Jutta un Rolf un een ganz grodet Dankeschön vun dat ganze Dörp för de super Tosomenarbeid mit de beiden.

Vör de ganzen Ansproken worn de Schärpen för de nieden Könige und Königinnen in de Sünn al meis warm.

Dat is unsed niedet Vogelscheeten-Team: Tanja Dildey, Florian Kewitsch un Philip Dildey

De nieden Majestäten op den Königshügel:
Vörschool: Inga Klinck un Till Dettmann (mit de blauen Schärpen)
1. Klass: Isabel Sturm un Lasse Mohr (vörn links)                            2.-3. Klass: Tamara Kosmin un Paul Rüsch (vörn inne Mitt)
4.-6. Klass: Maryam Rahmany un Maximilian Vogt (achtern rechts)  7.-9. Klass: Lisa Suhr un Mika Springer (ganz achtern):

Dat groote Königspoor mol för sick alleen

Wo is denn dor de Motor ???

De Königsöllern freut sick bannig.

Nomeddogs clock twee gung dat mit den gemütlichen Deel vun´t Vogelscheeten wieder. Dat Danzen fung mit een Polonäse an, de vun´t Königspoor op den Sool führt worn is. De Musikmoker weer frisch vun Mallorca inflogen un hett vun vörn bit achtern een super Stimmung op den Sool bröcht.

Bi de Anfangspolonäse sünd de Lüüd so op den Geschmack koom, wat dat noher noch eene Polonäse mit alle Mannslüüd un Fruunslüüd dör dat ganze Hus geev. 

De Voders heeln sick toers scheun buten in Schatten op. De, de n´beten loter noch dor weern, weern denn ok bi die Polonäse mit dorbi.

För de Reis no Jerusalem kreegen Jutta un Rolf to´n letzten Mol bi´t Vogelscheeten den Hoot op:

Mit een Ehrendanz güng no 10 Johr eene erfolgreiche Aera vun´t Hastedter Vogelscheeten to End.