20jähriget Jubiläum vun de Hastedter Theoterspeelers

An´t Weekenend för de Sommerferien geev dat in de idyllische Kulisse vun Pastorotsgoorn een Theoterspeel vun de Hastedter Theoterspeelers to seen. Extra för dat 20jährige Jubiläum hett Theoterfruu Inke Odler een eegenet Stück schreeven, dat weer wohrhaftich eene klasse Leistung! In dat Stück hett Inke meist alle Theoterspeelers mit ünnerbröcht, de in de 20 Johr Theotergrupp jemols mitspeelt hebbt. Todem kunn  ok de Kinner al mol een beten Bühnenluft schnuppern, de aff tokomm Johr mitspeelen ward.
De grobe Handlung un de Mitspeelers köönt ju in´t => Programmheft nokiecken.
Eventuelle Ähnlichkeiten twischen de Typen in de eenzelnen Rullen un de würklichen Eegenorten vun de jeweiligen Dorsteller sünd rein tofällich un wiss ni beabsichdicht ...                                                                                to de => hochdeutsche Fassung

An Friedachobend weern alle Stöhl besett ...

un an Sünndachnohmeddach seeh dat ni veel anners ut.

To Anfang stellt sick de ganze Theotertruppe vör, in de MItt  Günter Hass as nieden Schnacker un de Grupp.

un nu geiht dat los...

An End geev dat “stehende Ovationen” för een grootet Vergnögen in´t Theoterspeel un een Darbietung, de sick seen loten kun. Dor weern an Sünndach een ganze Reech Lüüd dor, de dat Friedachobend so good gefullen hett, wat se Sünndach glieks nochmol weller komen sünd.  

De Autorin un ehre schauspeelerische Leistung to Eehrn geev dat een grotet “Trullala” för Inke.

Vun de Gemeinde Hastedt een Dankescheun vun den jüss amtierenden Bürgermeister (un MItspeeler) Thies Kühl.

To´n Affschluss geev dat noch een beten After-Show Party, bi de ook noch de eene oder Szene ut vörherige Opführungen nohspeelt worn.