De Hastedter Theoterspeelers hebbt in März een Krimi-Dinner opföhrt. Eersmool weern twee Termine in de Duppeleek plont worn, bi de op´n Sool 80 Toschauers Platz haln. De Intrittskorten för de beiden Obend-Termine weern op den Wiehnachtsmarkt in knapp 2 Stunnen utverköfft. Dor wor denn noch gau een drütte Opföhrung an een Sünndachmeddach ansett, de ook gau utbucht weer.
Dat Krimi-Dinner-Konzept weer eene rein Hastedter Angelegenheit: Dat Stück hett Inke Adler schreeven, de Theoterspeelers koomt alle ut Hastedt, as Dinner geev dat scheune Rouladen ut de Hastedter Duppeleek un achteran ook noch een beten Hastedter Diesel.
Um de Spannung för de Lüüd, de dat Stück viellicht noch mol bi annere Gelegenheit to seen kriegt, to erholen, ward hier blots een poor Biller wiest, de Geschicht ward hier nich vertellt.

As Bühne för de Theoterspeelers stunn in de Mitt vun Sool een groten Disch, de Tokiekers seeten an de Dische rundherum. Wer allns mitspeelt hett, kann man op den
=> Affspann seen,   

ganz veelen Dank an Inke för een wunnerschöne Veranstaltung un för een Deel vun de Biller.