De Schoolhoff vun unse Fief-Dörper-School ward in 2016 to En umbuut ...
wat in 2015 mokt worn is ... => Schoolhoff 2015 => zur hochdeutschen Version
De Deele vun den Pavillon worn över Winter inlogert. No dat Schietsammeln an 19. März dreepen sick Frank Springer, Stephan Schlüter un Philip Dildey op Lüttenrod bi dat “Hus Hilde” vun Familie Kühl/Lütjens, um mit uns tosomen de Balkens afftoschliepen, wat se achteran nied anpinselt warn kun. Ulla Rohde hett uns twischendörch mit Kaffee un Kooken opmuntert.
Bi de Arbeiden an 19.03. sünd blots vermummte Gestalten to seen, dorüm gifft dat blots een Bild.
An 23. April weer de tweete Deel vun´t Holtbearbeiden, düttmol weer all een beten mehr Fröhjohrsluft. Holpen hebbt Sandra und Kai Dethlefs, Sönke Hohn un Michael Stellmoker. As bied vörige Mol hett uns de gude “Schoolfee” Ulla Rohde mit Kaffee un leckeren sölbst backten Kooken versorgt.
Unsen nieden Schoolhoff süht in´t Fröhjohr 2016 fein ut. So een schmucken un wietlefftigen Schoolhoff gifft dat nich so veel. Wat hier noch fehlt, sünd de noch ni to Enn bearbeide Pavillon un de nieden Speelgeräte, de mit Ünnerstützung vun de Bürgerstiftung anschafft ward.
De Fotomontage wiest mol, wie de Schoolhoff wull no dat Opstellen vun den Pavillon utseen kunn. Ick heff een Bild vun dat Affbuen in Meldörp mol in´t Bild rinsett. Kann angohn, wat ick den Maßstab ni ganz dropen heff, overs so ähnlich ward dat wohl warn. Mit niede Farv ward de Pavillon overs recht wat schmücker.
Allns, wat op den Anhänger licht, schall noch bearbeid warn. De fertig bearbeiden Balkens ward bet to´t Anmolen dröch
op de Deel opstopelt.
Mit niede Farv seht de Holtbalkens glieks veel beter ut. De fliedigen Molers sünd Angela Lütjens, Anja Hohn un Sandra Dethlefs. To Pingsten och wie scheun, sünd all de Balkens greun.
Am 21. Mai hebbt uns Profis den Pavillon op den Schoolhoff opstellt. Nils Klinck weer mit siene Mannschaft dor un hett den Dackstohl weller tosomentimmert un op de Been stellt. Ut Dörp weern ton Hölpen noch Angela Lütjens, Rolf Riecken un Sönke Hohn mit dorbi, de Beköstigung leeg no bewährte Manier weller in de Hann vun Ulla Rohde. Husmeister Peter Frohm hett uns morgens mit togang holpen.
As dat Grundgerüst weller tosomen weer, wor dat Achteck utricht un de Steenplatten markiert, wo de Pielers stohn schulln.
Dorno wor de ganze Dackstohl bisiet stellt, um de Steen opnehm to köön un Löcker för de Fundamente to klein.
Thede weer överall fix mit dorbi.
Bi dat Pausen-Bild süht man ers richti, dat dor een
ganze Reeg Lüüd inne Gang wern.
De Nowers ut de Jahnstrot leeten sick dat ni nehmen, dat Buwerk mit een Richtkranz to schmücken.
De Jungs hebbt düchdi mitholpen, de Plostersteen weller an de richdige Steed to kriegen.
Een annern Trupp hett ut de Planken wedder de Wand tosomensett un de Bänke weller anschroben.
Ganz veelen Dank an Nils Klinck un siene Mannschaft. Wat de an een Dag op de Been stellt, harrn wi Fierobend- Handwerker ni in veer Weeken torechkreegen.
An 24. un 25. Mai sünd dat Dack dichmokt un de Butenwann anschoben worn. Dormit geiht een langwieriget Projekt nu langsom to En. In Plonung is overs noch, dat de Wann vun den Pavillon ünner Leitung vun Ester Majewski noch een beten künstlerisch verfeinert warn schüllt Man kann also wiederhin gespannt ween ...
Mit den Richtspruch vun Hannes güng de Arbeitsdag to Enn.
De ferdige Pavillon mokt sick gut op den Schoolhoff. Nu hebbt de Kinner uk endli een Dack övern Kopp, wenn se op den Bus tövt.
In Juni hebbt de Gemeindevertreter un de Bürgerstiftung sich op´n Schoolhoff dropen, um de Speelgeräte optostelln, de mit de Spende vun de Bürgerstiftung anschafft worn sünd. Leider weer dat domols bös natt op den Sportplatz, so watt dat bit no de Sommerferien duart hett, bit de Kies inne Grund keem, um fasten Foot för de Gerätschaften to kriegen. Intwischen könt de Kinner sick inne Pausen noch meer uttoben.
De Pavillon ward vun Ester Majewski mit eene Mol-AG noch een beten schmücker mokt.
